OUR LADY OF ASSUMPTION CHURCH, POOMKAVU

പീഡാനുഭവ ഗ്രോട്ടോകള്‍

IMG_9689
യേശുനാഥന്‍റെ കാല്‍വരിയാത്രയുടെ മിഴിവാര്‍ന്ന പതിനാലിടങ്ങള്‍ പൂങ്കാവിലെ വിശാലമായ മണല്‍പരപ്പില്‍ വിവിധ ഗ്രോട്ടോകളായി ക്രമീകരിച്ചിട്ടുണ്ട്.പീലാത്തോസിന്റെ അരമന മുതല്‍ കാല്‍വരിയുടെ മുകള്‍പരപ്പുവരെ നീളുന്നകുരിശുയാത്രയും പീഡാനുഭവങ്ങളും രൂപങ്ങളിലൂടെ ദൃശ്യഭംഗിയോടെ ചിത്രീകരിക്കപ്പെട്ടിട്ടുണ്ട്.

പുനരുത്ഥാന പൂന്തോട്ടം

Beautification works

യുറോപ്യന്‍ മാതൃകയില്‍ നിര്‍മ്മിച്ചിരിക്കുന്ന പുനരുത്ഥാന പൂന്തോട്ടം എന്ന് പേരിട്ടിരിക്കുന്ന പൂങ്കാവിലെ സിമത്തേരിയും തീര്‍ത്ഥാടകരെ ആകര്‍ഷിക്കുന്നു.പരേതസ്മരണ നിറഞ്ഞുനില്‍ക്കുന്ന പൂന്തോട്ടം പ്രാര്‍ത്ഥിക്കാനും പ്രിയമുള്ളവരെ ഓര്‍മിക്കാനും അവസരം നല്‍കുന്നതിനോടൊപ്പം ആശ്വാസകരമായ ആത്മീയ അനുഭവം നല്‍കുകയും ചെയ്യുന്നു.

വത്തിക്കാനിലെ മാതൃകയില്‍ 12 അപ്പോസ്തോല പ്രതിമകള്‍

final

പൂങ്കാവിലെത്തുന്ന തീര്‍ഥാടകര്‍ക്കു നിര്‍വൃതി പകരുന്ന കാഴ്ച്ചയായിരിക്കും   ദേവാലയത്തിന്‍റെ  പ്രധാന  കവാടത്തിനു മുന്‍പില്‍  സ്ഥാപിച്ചിരിക്കുന്ന അപ്പോസ്തോല പ്രതിമകള്‍ .ദേവാലയത്തിന്  മുന്‍പിലെ വട്ടക്കല്ലിന്‍റെ മേല്‍ക്കൂര താങ്ങുന്ന  12 തൂണുകളോടുചേര്‍ന്നാണ് അപ്പോസ്തോല പ്രതിമകള്‍ സ്ഥാപിച്ചിരിക്കുന്നത്.ക്രൈസ്തവ സഭയുടെ ആസ്ഥാനമായ വത്തിക്കാനിലെ  സെന്റ്‌ . പീറെറ്ഴ്സ്  ബസലിക്കയുടെ മുന്നില്‍ സ്ഥാപിച്ചിരിക്കുന്ന  അപ്പോസ്തോല പ്രതിമകളുടെ അതെ മാതൃകയില്‍ തന്നെയാണ്  അഞ്ചടി ഉയരമുള്ള പ്രതിമകള്‍ നിര്‍മിക്കപ്പെട്ടിരിക്കുന്നത്.കേരളത്തിലെ മറ്റൊരു ദേവാലയത്തിലും ഈ നിലയില്‍ ക്രിസ്തുശിഷ്യന്മാരുടെ മുഴുവന്‍ പെരുടയും പ്രതിമകള്‍ കാണാന്‍ കഴിയില്ലെന്നതും പൂങ്കാവിലേക്കുള്ള വിശുദ്ധതീര്‍ഥാടനത്തിന്‍റെ പ്രാധാന്യം വര്‍ദ്ധിപ്പിക്കുന്നു .

വിശുദ്ധ അല്‍ഫോന്‍സാമ്മയുടെ തിരുശേഷിപ്പ്

Alphonsa12

കുടമാളൂരിലെ പുണ്ണ്യമായ അല്‍ഫോന്‍സാമ്മയുടെ തിരുശേഷിപ്പ് ഏറ്റുവാങ്ങിയ ആലപ്പുഴയിലെ ആദ്യദേവാലയം പൂങ്കാവാണ്.ദൈവകൃപയുടെ വിളനിലമായ പൂങ്കാവിലെ കരയേറ്റ മാതാവിന്‍റെ നാമധേയത്തിലുള്ള ഈ ദേവാലയത്തില്‍ അല്‍ഫോന്‍സാമ്മയുടെ തിരുശേഷിപ്പ് സൂക്ഷിച്ചിട്ടുണ്ട്.എല്ലാ ശനിയാഴ്ചകളിലും നൊവേനയും പ്രത്യേകം പ്രാര്‍ത്ഥനകളും നടക്കുന്നുണ്ട്.പൂങ്കവിന്‍റെ സുവര്‍ണ്ണ ജൂബിലി ആഘോഷവേളയിലായിരുന്നു തിരുശേഷിപ്പ് ഇവിടെ എത്തിയത്.സഹനങ്ങളിലൂടെ ക്രിസ്തുവിനെ മഹത്വപ്പെടുത്തിയ ഈ വിശുദ്ധയുടെ മാധ്യസ്ഥത തേടി പ്രാര്‍ഥിക്കുവാന്‍ വേണ്ടി അനേകം വിശ്വാസികള്‍ ഇവിടെ എത്തിച്ചേരുന്നുണ്ട്.